अमेरिकी पत्रकार तथा दक्षिणपन्थी अभियन्ता Matt Forney ले अमेरिकामा बसोबास गर्ने सबै भारतीय मूलका नागरिकलाई देशनिकाला गर्नुपर्ने अभिव्यक्ति दिएका छन्। सामाजिक सञ्जाल एक्स (X) मा हालै पोस्ट गरिएको (पछि हटाइएको) सन्देशमा उनले सन् २०२६ मा भारतीय समुदाय र हिन्दू मन्दिरहरू लक्षित हिंसात्मक आक्रमण बढ्ने दाबी गर्दै “उनीहरूको ज्यान जोगाउन सबै भारतीयलाई अमेरिका बाट निकालिनुपर्छ” भन्ने टिप्पणी गरेका थिए।

फोर्नीले भारतीयहरूविरुद्धको घृणा आगामी वर्ष चरम सीमामा पुग्ने दाबी गर्दै भारतीय मूलका व्यक्तिहरू, उनीहरूका घर, व्यवसाय र मन्दिरहरू बम आक्रमण तथा सामूहिक गोलीकाण्डको जोखिममा पर्ने चेतावनी दिएका थिए। आफूलाई “अमेरिकामा शान्ति चाहने व्यक्ति” भन्दै उनले “DEI: Deport Every Indian (सबै भारतीयलाई देशनिकाला गर)” भन्ने नारा समेत प्रयोग गरेका थिए।

भारतीयविरुद्ध घृणात्मक टिप्पणीका कारण चर्चामा आइरहने फोर्नी यसअघि पनि आप्रवासी विरोधी अभिव्यक्तिका कारण आलोचित हुँदै आएका छन्। उनी भारतीय आप्रवासी तथा H-1B भिसा कार्यक्रमको खुलेर विरोध गर्दै आएका छन्। हालै भारतीय–अमेरिकी नागरिक क्रुति पटेल गोयल Etsy को सीईओ नियुक्त भएपछि पनि उनले “अयोग्य भारतीयले अमेरिकी कम्पनी कब्जा गर्‍यो” भन्दै विवादास्पद टिप्पणी गरेका थिए। यिनै अभिव्यक्तिका कारण उनलाई अमेरिकी सञ्चार संस्था The Blaze बाट हटाइएको थियो।

अमेरिकामा डोनाल्ड ट्रम्प राष्ट्रपति बनेपछि आप्रवासीविरोधी र विशेष गरी भारतीय मूलका नागरिक लक्षित घृणात्मक भाष्य झनै चर्किएको विश्लेषकहरू बताउँछन्। ‘सेन्टर फर द स्टडी अफ अर्गनाइज्ड हेट’ का अनुसार पछिल्लो एक वर्षमा सामाजिक सञ्जालमा भारतीयविरुद्ध नस्लवादी र विदेशीद्वेषी पोस्टहरू तीव्र रूपमा बढेका छन्। सन् २०२५ को अक्टोबरमा मात्रै करिब २,७०० यस्ता पोस्टहरू दर्ता गरिएको सीएनएनको एक रिपोर्टले जनाएको छ।

फोर्नीको हटाइएको पोस्ट सामाजिक सञ्जालमा व्यापक आलोचनाको विषय बन्यो। धेरै प्रयोगकर्ताले यसलाई प्रत्यक्ष हिंसाको धम्कीका रूपमा व्याख्या गर्दै कडा आपत्ति जनाए। केहीले उनलाई “हिंसा उक्साउने भाषा प्रयोग गरेको” आरोप लगाउँदै अमेरिकी संघीय अनुसन्धान ब्युरो (FBI) लाई समेत ट्याग गरेका