मुखर्जी आउँदा सडकदेखि आकाशसम्म सेना ! हेर्नुहोस् अघोषित कर्फ्यूको झलक
![sunsan-sadak-11](http://www.onlinekhabar.com/wp-content/uploads/2016/11/sunsan-sadak-11.jpg)
१७ कात्तिक, काठमाडौं । भारतीय राष्ट्रपति प्रणव मुखर्जी त्रिभुवन अन्तराष्ट्रिय विमानस्थलमा ओर्लिएलगत्तै राजधानीमा अघोषित कर्फ्यु लाग्यो । सडकमा नेपाली सेनाले स्थल गस्ती गरेको थियो भने आकाशमा हेलीकोप्टरले हवाइ गस्ती गरेको थियो ।
मुखर्जीको सवारी हुने रुटमा सडक ठप्प बनाइको थियो । पैदल यात्रीलाई समेत सडकमा हिँड्न दिइएको थिएन । त्रिभुवन अन्तर्राष्ट्रिय विमानस्थलबाट सिनामंगल, तीनकुने, वानेश्वर, माइतीघर हुँदै राष्ट्रपति भवन जाने क्रममा सडक ठप्प पारिएको थियो ।
![sunsan-sadak-6](http://www.onlinekhabar.com/wp-content/uploads/2016/11/sunsan-sadak-6.jpg)
मुखर्जीको सवारी हुनुअघि सेनाको एक टोलीले सडकमा गस्ती गरेको थियो । मुखर्जीको सवारीको समयमा सेनाको हेलिकप्टरले पनि स्कटिङ गरेको थियो । मुखर्जीको सवारी सवारी हुनुभन्दा करिब १० मिनेट अगाडि सवारी मन्त्रीले सडक खाली गराएका थिए ।
![sunsan-sadak-10](http://www.onlinekhabar.com/wp-content/uploads/2016/11/sunsan-sadak-10.jpg)
सडकमा यातायात कुरेर प्रतिक्षालयमा बसिरहेका सर्वसाधारणलाई पनि सुरक्षाकर्मीले हटाए । सडकमा पैदल हिँडिरहेका पैदलयात्रुहरुलाई मूल सडकमा निस्कन रोक लगाइएको थियो । कतिपय घरहरुका छतबाट मुखर्जीको सवारी हेर्न बसेकाहरुलाई समेत प्रहरीले हटाएको थियो ।
![sunsan-sadak-7](http://www.onlinekhabar.com/wp-content/uploads/2016/11/sunsan-sadak-7.jpg)
सडकका किनारमा रहेका पसल समेत बन्द गरिए । सडकमा प्रहरी, सशस्त्र प्रहरी बल र सेनासमेत तैनाथ गरिएको थियो । सडक खाली गराउन सुरक्षा निकायका उच्च अधिकारीहरुले पटक-पटक गस्ती गरेका थिए । घरका छतहरुमा समेत हाइ प्वाइन्ट निगरानीका लागि प्रहरी परिचालन गरिएको थियो ।
![sunsan-sadak-9](http://www.onlinekhabar.com/wp-content/uploads/2016/11/sunsan-sadak-9.jpg)
![sunsan-sadak-2](http://www.onlinekhabar.com/wp-content/uploads/2016/11/sunsan-sadak-2.jpg)
![sunsan-sadak-3](http://www.onlinekhabar.com/wp-content/uploads/2016/11/sunsan-sadak-3.jpg)
तस्वीर-कमल प्रसाई
http://www.onlinekhabar.com/2016/11/495908/
Last edited: 03-Nov-16 01:30 PM